كيفية طلب البطاقة الذهبية في الجزائر COMMANDEZ VOTRE CARTE EDAHABIA

كيفية طلب البطاقة الذهبية في الجزائر COMMANDEZ VOTRE CARTE EDAHABIA

في هذا الموضوع أصدقائي سنتحدث عن كيفية طلب البطاقة الذهبية في الجزائر و ستكون اللغة بالدارجة الجزائرية

البطاقة الذهبية راح تسهلك بزاف الامور في الخدمة ديالك خاصة كي تكون مزروب ولا حاب مبلغ مالي بسرعة ولا حتى باش تخلص فواتير دياولك ولا تفليكسي.، وايضا مع التوجه الجديد الجزائر لي لازم علينا نروحوا لمثل هذه الخدمات.

موضوع اليوم في فقرتنا راح ايكون على كيفية طلب البطاقة الذهبية عبر خطوات فقط ، يعني أي واحد عندو حساب بريدي جاري ccp قادر يطلب البطاقة الذهبية ، و كيما تعرفو البطاقة الذهبية ولات مهمة بزاف في حياة المواطن الجزائري مثلا كي تجبد برك دراهم ماديرش كامل لاشان هاديك تاع جيطو 468 و تسنا نهار كامل تروح للصراف الآلي برك و تجبد و تاني تسجل في تطبيق بريدي موب ( نهدرو عليه في مواضيع قادمة) تولي ترسل و تستقبل الأموال من و إلى حسابك عبر التطبيق فقط بلا ماتروح للبوسطا.

المهم باش تطلبها ماعليك غير اتبع الخطوات التالية :

الخانة الأولى : تحط فيها رقم الحساب البريدي الجاري الخاص بك ccp .

الخانة الثانية : تحط فيها رقم المفتاح الخاص بحسابك البريدي الجاري.

الخانة الثالثة : تحط فيها اللقب تاعك

الخانة الرابعة : تحط فيها إسمك

) خاوتي الإسم و اللقب حطوهم كيما راهم مكتوبين فالشاك )

الخانة الخامسة : تختار فيها بطاقة التعريف الوطنية و تحط رقم البطاقة .

الخانة السادسة : تحط تاريخ بداية صلاحية البطاقة .

الخانة السابعة : خليها فارغة (تحط فيها عادي الدائرة التي اصدرت البطاقة التي استعملت الفوق)

الخانة الثامنة : خليها فارغة

الخانة التاسعة : خليها فارغة

الخانة العاشرة : تحط فيها العنوان تاعك الحي و رقم الباك هكدا ...

الخانة الحادية عشرة : تحط فيها الإيمايل تاعك .

الخانة الثانية عشرة : تخير نوع رقم الهاتف يعني ( إدا كان أوريدو 05 ) ( موبيليس 06 ) ( جازي 07 )

مثلا رقمي : 0512345678

نخير 05

و نكتب تحتها 12345678

الخانة الثالثة عشرة : تحط فيها الولاية تاعك.

الخانة الرابعة عشرة : تحط فيها الدائرة .

الخانة الخامسة عشرة : تحط فيها البلدية .

الخانة السادسة عشرة : تحط فيها الرمز البريدي لبوسطا لقريبة ليك لي راح تستقبل فيها بطاقتك.

الخانة السابعة عشرة : تحط سؤال الأمان مثل واش كانو ايعيطولك كي كنت صغير .

الخانة الثامنة عشرة : تحط الإجابة .

الخانة التاسعة عشرة : تحط واش مكتوب فالصورة .

الخانة العشرون : ادير موافق على الشروط.

الخانة الواحدة و العشرون : تفيريفي المعلومات تاوعك

الخانة الثانية و العشرون : ادير تأكيد يعني خلص اجوز الخطوة الأولى تاع البيانات .

المرحلة الثانية : ايقولك دخل رمز التأكيد اللي بعتوهولك فلابيس تاعك لكن ايطول نتا دير موسيقى ولا أتفرج تيليفيزيون و ماتخرجش من لاباج أقعد فيها واحد ربع ساعة ولا نصف ساعة يوصلك الكود حطو و خلاص هكدا فراتلك بإذن الله. يبعتولك وصل العملية فالإيمايل و رقم الهاتف تاني . و كي توجد يبعتولك ميساج في لابيس تاعك .